Գլխավոր էջ
|
|||||||||||
|
Սիրելի այցելու, www.jewellery.am կայքի աշխատակազմը ջերմորեն ողջունում և ամենայն բարիք է մաղթում Ձեզ: Մենք հույս ունենք, որ կայքը կդառնա Ձեր լավագույն բարեկամն ու խորհրդատուն ոսկերչության և ակնագործության արվեստի համաստեղությունում: Ոսկերչական զարդերն ու ակնեղենը (մատանի, վզնոց, ականջօղ, մանյակ և այլն), առանց որոնց այսօր իրեն չի պատկերացնում և ոչ միայն կին, ունեն հազարամյակների պատմություն: Դեռևս 1400 տարի ՔԾ առաջ Հին Հունաստանից մեզ հասած գրառումներում կան հիշատակումներ ոսկյա զարդերի մասին: Անտիկ շրջանի և Հին Արևելքի ժողովուրդները համոզված էին, որ ոսկյա զարդերն ունեն նաև մոգական իմաստ և ինչ-որ ձևով պաշտպանում են իրենց չար ուժերից (չարքերից): Միջին դարերում ոսկյա զարդերի հիմնական պատվիրատուն Եկեղեցին էր` հաղորդության բաժակներ, տարբեր անոթներ, ծալովի զոհասեղաններ, սրբապատկերների և գրքերի շրջանակներ: Վերածննդի ժամանակաշրջանը մի նոր լիցք հաղորդեց ոսկերչությանն ու ակնագործությանը: XVI դարի ոսկերիչներն առանձնանում էին ձևի զգացողության կատարելիությամբ, թանկարժեք մետաղների հնարավորությունների առավելագույն օգտագործմամբ, երևակայության աննախադեպ պոռթկումներով` յուրաքանչյուր զարդի անհատականությունը, գեղարվեստական նշանակությունն ու անկրկնելիությունը ներկայացնելու բացառիկ ունակությամբ ու շնորհքով: Մեր օրերում ճաշակի և նորաձևության նորովի դրսևորումները, ոսկերչության մեջ նորագույն տեխնոլոգիաների կիրառումը հնարավորություն է ընձեռել ոսկերչական լավագույն ձեռնարկություններին ու շնորհաշատ վարպետներին էլ ավելի զարգացնել ու առաջ մղել արվեստի այս անկրկնելի ու առանձնահատուկ ձևը: Այսօր ժամանակակից կնոջը (և ոչ միայն) չի կարելի պատկերացնել առանց որևէ ոսկյա կամ արծաթյա զարդի: Հաճախ հասարակության մեջ կնոջ կամ նրա ընտանիքի դիրքը «չափվում» և ընդգծվում է այս կամ այն բարձրաճաշակ և բարձրարժեք ոսկյա, հաճախ ադամանդակուռ զարդի առկայությամբ:  Սերժ Սարգսյանն այցելել է ոսկերչական ցուցահանդես  Սերժ Սարգսյանն այսօր այցելել է սեպտեմբերի 21-23-ը Երևանում անցկացվող Հայ ոսկերիչների համաշխարհային միության ցուցահանդես, որը նվիրված է Հայաստանի Հանրապետության անկախության 20-րդ տարեդարձին: Ցուցահանդեսին մասնակցում են հայազգի ոսկերիչներ աշխարհի տարբեր երկրներից, այդ թվում` Միացյալ Նահանգներից, Կանադայից, Շվեյցարիայից, Ռուսաստանից, Ֆրանսիայից, Իտալիայից, Թայլանդից, Լիբանանից: Ցուցահանդեսի շրջանակներում կանցկացվի նաև համաժողով, որի նպատակն է` հնարավորություն ընձեռել ցուցադրել արդի հայ ոսկերչության ձեռքբերումները, ամրապնդել կապերն աշխարհասփյուռ հայ ոսկերիչների միջև, քննարկել Հայ ոսկերիչների համաշխարհային միության աջակցությամբ Հայաստանի ոսկերչական արդյունաբերությունը միջազգային ոսկերչական հանրությանն ինտեգրելու հնարավորությունները: Լուր ***  Սեպտեմբերի 21-ին, ժամը 12.30 "Մարիոթ" հյուրանոցում կբացվի Հայ ոսկերիչների համաշխարհային միության (AJA) առաջին համաշխարհային ցուցահանդեսը: Հայ ոսկերիչների համաշխարհային միությունը (AJA), ՀՀ Սփյուռքի և Էկոնոմիկայի նախարարությունների աջակցությամբ, սեպտեմբերի 21-23-ը Երևանում անցկացնում է AJA առաջին համաշխարհային ցուցահանդեսը, որը նվիրվում է Հայաստանի Հանրապետության անկախության հռչակման քսանամյա տարեդարձին: *** Նախագահ Սարգսյանն ընդունել է Հայ ոսկերիչների ասոցիացիայի նախագահ Գագիկ Գևորգյանի գլխավորած պատվիրակությանը  Նախագահ Սերժ Սարգսյանն օգոստոսի 16-ին ընդունել է Հայ ոսկերիչների ասոցիացիայի (ՀՈԱ) նախագահ Գագիկ Գևորգյանի գլխավորած պատվիրակությանը: Հանրապետության ղեկավարը շնորհավորել է Գագիկ Գևորգյանին՝ ՀՈԱ նախագահ ընտրվելու առթիվ և հույս հայտնել, որ աշխարհի տարբեր երկրներում ապրող հայ ոսկերիչներին միավորող ասոցիացիան իր բազմաթիվ ծրագրերով կնպաստի հայկական ոսկերչական արվեստի հետագա զարգացմանը: Գագիկ Գևորգյանը Հանրապետության ղեկավարին ներկայացրել է ասոցիացիայի` առաջիկայում իրականացվելիք ծրագրերն ու անելիքները: Հատկապես կարևորվել է Հայաստանի Հանրապետության անկախության 20-ամյակի առիթով սեպտեմբերի 21-ին Երևանում անցկացվող Հայ ոսկերիչների ասոցիացիայի առաջին ցուցահանդեսը, որին կմասնակցեն բազմաթիվ հայտնի ընկերություններ: Զրուցակիցներն անդրադարձել են աշխարհի հայ ոսկերիչների միջև կապերի ընդլայնման, ինչպես նաև Հայաստանում ոսկերչության զարգացման հեռանկարներին: |
||||||||||
 |
www.jewellery.am © 2011 Բոլոր իրավունքները պաշտպանված են |